ເປີດຮັບສະໝັກອີກແລ້ວ!!! ສະມາຄົມ ເພື່ອພັດທະນາແມ່ຍິງ ແລະ ການສຶກສາກົດໝາຍ ກຳລັງຮັບສະໝັກເພື່ອນຮ່ວມງານ ທີ່ມີຄວາມສາມາດ ແລະ ຄຸນສົມບັດເໝາະສົມ ເພື່ອມາຮັບຕຳແໜ່ງ ທະນາຍຄວາມ\ນັກກົດໝາຍ ປະຈໍາການຢູ່ເມືອງງາ ແລະ ເມືອງນາໝໍ້, ແຂວງ ອຸດົມໄຊ. ຕໍາແຫນ່ງນີ້ແມ່ນເຕັມເວລາເພື່ອສະຫນັບສະຫນູນໂຄງການ, ເຮັດວຽກຢ່າງໃກ້ຊິດກັບຫົວຫນ້າໂຄງການ ແລະ ຜູ້ຈັດການດ້ານການເງິນຂອງສະມາຄົມ.
ປິດຮັບສະໝັກ ວັນທີ 24 ມັງກອນ 2025 ເວລາ 5 ໂມງແລງ. ຂໍ້ມູນເພີ່ມເຕີມສຳລັບຕຳແໜ່ງດັ່ງກ່າວ, ກະລຸນາເບິ່ງຕາມລິ້ງນີ້:
Call for applications!!! ADWLE is recruiting new officers with the ability and appropriate qualifications to take up the position of Lawyer. This position is full-time to support the project implementation, working closely with the project manager and financial manager of the Association.
Application closes on January 24, 2025, at 5 P.M. For more information on these positions, please click the link below:
The Association for the Development of Women and Legal Education (ADWLE) is looking for passionate and dedicated individuals to join our mission of promoting gender equality, protecting women’s and children’s rights, and fostering safe, inclusive communities in Lao PDR.
ປະກາດຮັບສະໝັກພະນັກງານ 2 ຕໍາແໜ່ງ
ຕໍາແໜ່ງ ທະນາຍຄວາມ\\/ນັກກົດໝາຍ ປະຈໍາການຢູ່ເມືອງງາ ແລະ ເມືອງນາໝໍ້, ແຂວງ ອຸດົມໄຊ
ໄລຍະສັນຍາ 1ປີ (ສາມາດຕໍ່ສັນຍາໃໝ່ໄດ້)
ກ່ຽວກັບອົງກອນ
ສະມາຄົມເພື່ອພັດທະນາແມ່ຍິງ ແລະ ການສຶກສາກົດໝາຍ (ສພມສກ) ແມ່ນອົງການຈັດຕັ້ງທາງສັງຄົມທີ່ບໍ່ຫວັງຜົນກໍາໄລ, ໂດຍໄດ້ຮັບການອະນຸຍາດສ້າງຕັ້ງຈາກ ກະຊວງພາຍໃນ ໃນປີ 2012, ມີຈຸດມຸ່ງໝາຍໃນການສົ່ງເສີມຄວາມສະເໝີພາບຍິງ-ຊາຍ, ສິດທິແມ່ຍິງ, ຕ້ານການໃຊ້ຄວາມຮຸນແຮງຕໍ່ກັບແມ່ຍິງ ແລະ ເດັກ, ຕ້ານການຄ້າມະນຸດ, ການເຄື່ອນຍ້າຍແຮງງານທີ່ປອດໄພ ແລະ ສົ່ງເສີມໃຫ້ແມ່ຍິງສາມາດເຂົ້າເຖິງຂະບວນການຍຸຕິທໍາ ໃນ ສປປ ລາວ ຜ່ານການບໍລິການຂອງຫ້ອງການໃຫ້ຄໍາປຶກສາ ແລະ ຊ່ວຍເຫຼືອທາງດ້ານກົດໝາຍແກ່ແມ່ຍິງ ແລະ ເດັກ ໂດຍບໍ່ເສຍຄ່າ.
ກ່ຽວກັບໂຄງການ
ສະມາຄົມເພື່ອພັດທະນາແມ່ຍິງ ແລະ ການສຶກສາກົດໝາຍ ໂດຍໄດ້ຮັບການສະໜັບສະໜູນຈາກມູນນິທິເອເຊຍ (TAF) ໂດຍຜ່ານແຜນງານການຊ່ວຍເຫຼືອທາງດ້ານກົດໝາຍທີ່ໄດ້ຮັບການສະໜັບສະໜູນຈາກອົງການພັດທະນາສາກົນ ປະເທດສະຫະລັດອາເມລິກາ (USAID) ໃນການຈັດຕັ້ງປະຕິບັດໂຄງການ “ສ້າງຄວາມເຂັ້ມແຂງໃນການເຂົ້າເຖິງຄວາມຍຸຕິທຳຂອງປະຊາຊົນ ເພື່ອຄວາມສະເໝີພາບຍິງ-ຊາຍ” ທີ່ຈັດຕັ້ງປະຕິບັດຢູ່ເມືອງງາ ແລະ ເມືອງນາໝໍ້, ແຂວງອຸດົມໄຊ ເລີ່ມແຕ່ເດືອນມັງກອນ 2024 ຈົນເຖິງ ເດືອນກໍລະກົດ 2026.
ໜ້າທີ່ຮັບຜິດຊອບ
- ເຮັດວຽກພາຍໃຕ້ການຊີ້ນໍາຂອງຜູ້ອໍານວຍການ, ຜູ້ຈັດການດ້ານກົດໝາຍ;
- ໃຫ້ຄຳປຶກສາ, ຄໍາແນະນໍາທາງດ້ານກົດໝາຍ ແລະ ເປັນຜູ້ຕາງໜ້າໃຫ້ແກ່ລູກຄວາມໃນທຸກຂັ້ນຕອນຂອງການດໍາເນີນຄະດີ ໂດຍສະເພາະແມ່ຍິງ ແລະ ເດັກນ້ອບທີ່ຖືກຄວາມຮຸນແຮງໃນຄອບຄົວ ແລະ ສັງຄົມ;
- ເກັບກຳຂໍ້ມູນຜູ້ຖືກເຄາະຮ້າຍ ແລະ ບັນທຶກຂໍ້ມູນເຂົ້າໃນລະບົບຖານຂໍ້ມູນ ແລ້ວລາຍງານຫາທີມງານທະນາຍຄວາມທີ່ປະຈໍາຢູ່ນະຄອນຫຼວງວຽງຈັນ;
- ຮ່າງຄໍາຮ້ອງຟ້ອງ ແລະ ເອກະສານອື່ນໆທີ່ກ່ຽວຂ້ອງທີ່ຈໍາເປັນໃນການປົກປ້ອງລູກຄວາມ
- ປະສານງານຫາກູ່ມເປົ້າໝາຍຂອງໂຄງການໃນການຈັດຕັ້ງກອງປະຊຸມ, ຝຶກອົບຮົມ ແລະ ກິດຈະກໍາຕ່າງໆ;
- ຂຶ້ນແຜນງົບປະມານ, ສະຫຼຸບລາຍຈ່າຍ ພ້ອມທັງເຮັດບົດລາຍງານພາຍຫຼັງກິດຈະກໍາສໍາເລັດ;
- ຂຽນບົດລາຍງານໂຄງການປະຈຳເດືອນ, ປະຈຳໄຕມາດໃຫ້ແກ່ຜູ້ຈັດການກົດໝາຍ;
- ເປັນຕົວແທນສະມາຄົມເຂົ້ານຮ່ວມກອງປະຊຸມ ຫຼື ຝຶກອົບຮົມ ທີ່ສະມາຄົມຖືກເຊີນ;
- ປະຕິບັດໜ້າທີ່ອື່ນໆຕາມການມອບໝາຍຂອງຜູ້ອໍານວຍການ ແລະ ຜູ້ຈັດການກົດໝາຍ.
ເງື່ອນໄຂຜູ້ສະໝັກ
- ຈົບປະລີນຍາຕີສາຂາກົດໝາຍ ຫຼື ສາຂາອື່ນທີ່ກ່ຽວຂ້ອງ;
- ເປັນທະນາຍຄວາມ ຫຼື ນັກກົດໝາຍ ທີ່ມີປະສົບການທາງດ້ານກົດໝາຍແຕ່ 2 ປີຂຶ້ນໄປ;
- ມີຄວາມຊຳນານໃນການນຳໃຊ້ ໂປແກຣມ Words, Excel, Power Point ແລະ Outlook.
- ມີທັກສະການພົວພັນປະສານງານ ຮ່ວມກັບ ໜ່ວຍງານລັດ ແລະ ອົງການຕ່າງໆ.
- ມີທັກສະການສື່ສານທີ່ດີໃນພາສາລາວ ແລະ ອັງກິດ.
- ເປັນຄົນພື້ນທີ່ແຂວງອຸດົມໄຊ ຈະຖືກພິຈາລະນາເປັນພິເສດ.
ວິທີການສະໝັກ
ທ່ານໃດທີ່ມີຄວາມສົນໃຈ ສາມາດສົ່ງເອກະສານສະໝັກ, ຊີວະປະຫວັດ/CV, ໃບຄຳຮ້ອງການສະໝັກວຽກ/Cover letter, ສົ່ງມາທີ່ອີເມວ santisouk2012stk@gmail.com ພ້ອມທັງ cc phayao2018py@gmail.com ກອ່ນວັນທີ 24 ມັງກອນ 2025 ເວລາ 17:00 ໂມງ, ສອບຖາມຂໍ້ມູນເພີ່ມເຕີມ ໂທ/ວອັດແອັບ: 020 5285 2455, 020 98834422. ຜູ້ທີ່ຮັບການຄັດເລືອກຈະຖືກຕິດຕໍ່ກັບເພື່ອນັດມາສໍາພາດ.
ໝາຍເຫດ: ແມ່ຍິງ, ຊົນເຜົ່າ, ຄົນພິການ ແລະ ຄົນທີ່ມີຄວາມຫຼາກຫຼາຍທາງເພດ ແມ່ນສົ່ງເສີມໃຫ້ສະໝັກ.